Nisi sot një proces,ësimor dyjavor, i cili i dedikohet atyre nxënësve të cilët nuk patën mundësinë që t’i ndiqnin orët online, pas shpërthimt të krizës COVID.
Me distancim social, ata do plotësojnë dijet e pamundura për t’u marrë nëpërmjet internetit, një proces i diktuar nga situata që nisi në mars e përfundoi në qershor, me përfundimin e vitit të ri shkollor.
Jënë 4500 fëmijë, kryesisht nga komuniteti rom, egjiptjanë dhe ato të shtresave në nevojë që nuk kanë pasur akses për të ndjekur mësimin online. Në dispozicion të tyre janë 2600 mësues.
“Bëjmë me dije se në datën 31 gusht deri në 11 shtator do të zhvillohen mësime plotësuese VETËM me ata nxënës të klasave 1-5 (cikli fillor), të cilët nuk kanë pasur akses dhe mundësi gjatë periudhës së mësimit online, mars–maj 2020.
Ky program plotësues i pajis këta nxënës me njohuritë dhe aftësitë gjuhësore dhe matematikore që i përkasin programit mësimor, të zhvilluar në periudhën mars-maj 2020″, njoftoi më herët Ministria e Arsimit.
Në një tjetër njoftim, Ministria ofron recetën anti-COVID.
“Për të parandaluar përhapjen e COVID19 është shumë e rëndësishme që në klasa të ruhet distanca prej 1,5 metër.
Nxënës, ruani distancimin fizik 1.5 metra kur:
▪Hyni e dilni nga shkolla;
▪Lëvizni në korridore;
▪Brenda në klasë;
▪Ambjente të tjera në shkollë (laboratorë, palestra)”, shkruan Ministria.
Siç është bërë mme dijë, viti ri shkollor nis më 15 shtator dhe do të shoqërohet nga një protokoll i veçantë COVID, i cili duhet të respektohet nga nxënësit.
Me gjasë, sipas protokollit, mësimi do ketë këtë pamje në klasa. /tesheshi.com/
