Koreja e Jugut ka zgjedhur t’u përgjigjet testeve bërthamore të Koresë së Veriut me rinisjen e transmetimeve propagandistike në kufirin mes dy shteteve.
Transmetimet nëpërmjet altoparlantëve masivë ngrejnë lart arritjet e Koresë së Jugut, liritë atje, ndërsa vënë në pah shkeljet e të drejtave njerëzore nga regjimi në anën tjetër të kufirit.
Transmetimet mund të dëgjohen 10 kilometra larg gjatë ditës, e 24 kilometra larg gjatë natës.
Koreja e Veriut ka dislokuar artilerinë pranë altoparlantëve, dhe ushtria është në nivelin më të lartë të alarmit.
“Nëse Koreja e Veriut i sulmon altoparlantët, ne kemi për t’u hakmarrë menjëherë,” ka deklaruar një zyrtar i Ministrisë së Mbrojtjes koreanojugore.
Rinisja e transmetimeve propagandistike të Koresë së Jugut vjen pas deklarimit nga autoritetet koreanoveriore se kanë testuar me sukses bombën me hidrogjen. Në kuadër të këtij zhvillimi, po diskutohet dhe vendosja e sanksioneve të tjera ndaj Koresë së Veriut në nivel global. /tesheshi.com/
