Elementë të performancave të dikurshme të MJAFT-it janë vënë re në protestën e opozitës këtë të mërkurë, e radhës para parlamentit, si në çdo seancë plenare që pas djegies së mandateve.
Kur MJAFT u shfaq në fillimet e saj, protestat karakterizoheshin nga simbolika plot fantazi që përcillnin mesazhet kundërshtuese ndaj qeverisjes (të Nanos në rastin konkret). Kështu edhe PD së fundi. Si për të amortizuar paksa imazhin rreth saj mbi identifikim me shfaqjet e dhunës.
Të rinj të forumit rinor janë shfaqur lidhur me zinxhir e mbishkrime në bluza ku togfjalëshit klasik Liri – Demokraci, rimarrë nga e djeshmja e risjellë në aktualitet, i është shtuar dhe “Shpresa” si aspiratë.
Si parullë kryesore ka qenë vetëm një “IK” kapitale pa emrin e Ramës. Ndërsa ky i fundit është shfaqur ne një tjetër lojë vizive me imash e mesazh teksual, ku denoncohet si i dështuar në qeverisjen e tij.
Por paçka kësaj performance me impakt të fortë etik, nuk ka munguar dhe rituali i përplasjes fizike me policinë. Kryetari Basha ka munduar sërish, ndërsa dirigjimin e kishte deputeti Klevis Balliu. /tesheshi.com/
