Aleanca Kuqezi, një forcë politike e themeluar nga Kreshnik Spahiu, ekziston!
Kjo forcë, krijuar si lëvizje me tharm patriotik në fund gjatë mandatit të dytë të Berishës, por dështuar në llogaritë politike për t’u futur në parlament në zgjedhjet e 2013-ës, e sfumuar më pas deri në harresë, është “ringjallur” së fundi duke lëshuar thirrjen për një Pol të Tretë përballë treshes PS-PD-LSI.
Jo me zërin e kreut të saj tradicional, i cili po jeton diku në Europë vitet e fundit dhe që bën komentatorin politik, por me anë të kryetares së re Lumturi Ratkoceri, Kuqezinjtë politike kërkojnë të jenë sërish faktor para zgjedhjeve të 25 prillit.
Duke përmendur një morri partish, ajo tha në një deklaratë se “Aleanca KuqeZi ju fton të bashkohemi si të barabartë mes të barabartëve neë njeë Pol të III, kundër tre partive që mbajnë peng Shqipërinë për 30 vjet”.
Sipas Aleancës KueqeZi, “Komunizmi u zëvëndësua me neokomunizmin ku ligjet e demokracisë u zëvëndësuan nga praktikat mafioze”. /tesheshi.com/
