Një ndër emrat më të spitaktur të ekonomisë shqiptare, Gjergji Filipi është “rijetësuar”, duke marrë emrin e tij, një nga rrugët e kryeqytetit.
Bëhet fjalë për aksin e ri që del nga Bulevardi “Dëshmorët e Kombit” mes Pallatit të Kongreseve dhe Hotel “Rogner”. Si një akt vlerësimi për rolin dhe kontributin e tij në fushën e ekonomisë, bashkia e Tiranës vendosi t’i japë një prej rrugëve të qytetit emrin e tij, “Gjergji Filipi”.
Ai ndërroi jetë një vit më parë në moshën 38-vjeçare, pasi humbi betejën me një sëmundje të rëndë.
Filipi drejtonte Institutin e Statistikave, ndërsa më parë ka mbajtur postin e Drejtorit të Kërkimeve në Institutin AXHENDA.
Ai ka qenë konsulent për një sërë projektesh në fushat e zhvillimit dhe politikave ekonomike të financuara nga Bashkimi Europian; Banka Botërore dhe institucione të tjera të mirënjohura ndërkombëtare. Ai ka patur disa detyra shtetërore, që lidheshin kryesisht me çështjet e integrimit të Shqipërisë në Bashkimin Europian. Mbante titullin “Doktor i shkencave”, kishte veprimtari të dukshme universitare dhe mjaft punime shkencore. /tesheshi.com/
