Figura simbol e opozitës në protestat e zonës së “Astirit”, ish-deputeti Klevis Balliu, është shoqëruar në polici, pasi me një grup banorësh kanë bllokuar rrugën e Unazës, pas zërave se aty do kalonte kryeministri Rama.
Kjo ka bërë që situata të tensionohej, pasi forca të shumta policore u angazhuan në hapjen e saj, gjë që çoi dhe në përplasje fizike. Për pasojë pati dhe dy rënie të fikti ndër banorë protestues, të cilët u morrën nga ambulancat.
Por në qendër të këtij zhvillimi të fundit me banorët e “Astirit”, ka qenë më së shumti shoqërimi i ish-deputetit Klevis Balliu.
Në kushtet e të qënit brenda furgonit të policisë, ai ka performuar politikisht me dy gishta. /tesheshi.com/
