Ushtritë e Indisë dhe Pakistanit kanë shkëmbyer të shtëna artilerie në rajonin e Kashmirit, duke lënë shtatë persona të vdekur – mes tyre ushtarë dhe civilë.
Ky është numri më i madh i viktimave qysh nga muaji shkurt. Tensionet midis vendeve kundërshtare u rindezën pasi një bombë vrau 40 trupa indiane në Kashmirin e administruar nga India.
Ushtria pakistaneze tha se trupat indiane vunë në shënjestër pozicionet ushtarake gjatë natës në qytetin kufitar Rakhchakri në pjesën pakistaneze të Kashmirit.
Në ditët pas sulmit vetëvrasës të 14 shkurtit në Kashmir, India nisi një sulm ajror brenda Pakistanit, duke thënë se kishte në shënjestër militantët e grupit Jaish-e-Mohammed me bazë në Pakistan, grup i cili kishte marrë përgjegjësinë për bombardimet.
Në anën tjetër Pakistani u hakmorr duke goditur dy aeroplanë të forcave ajrore indiane, ku një pilot indian u kap dhe u lirua më pas në Indi, shenjë kjo e lehtësimit të tensioneve.
Pakistani tha se Uashingtoni, Moska, Pekini dhe Riadi ndihmuan në shmangien e luftimeve, por tensionet mbetën. /tesheshi/
