Qeveria shpalosi disa nga projektet e godinave që do të ndërtohen për të mbeturit pa strehë nga tërmeti. Pas zonave të përcaktuara të rindërtimit, të cilat do jenë krejtësisht lagje të reja, tashmë në fokus janë llojet e banesave.
Ministrja e Kulturës Eva Margariti, e përzgjedhur nga Rama si drejtuesja e re e procesit të planifikimt, tha se cilësia e tyre do jetë për të pëballuar deri në 9 ballë lëkundje.
“Do të ketë shtim të shërbimeve të munguara. Do të ketë tre lloje banesash; banesa njëkatëshe, teknologji modulare, kopsht bujqësor, oborr dhe verandë. Elementët përbërës të shtëpive; bazamenti, struktura, muret dhe izolimi, çatia. I jemi bazuar rezistencës së tërmetit 9 ballë“, tha Margariti.
Nga ana tjetër, Rama dha premtimin e strehimit të mijrave të pastrehëve brenda vitit.
“Rindërtimi do të nisë nga familjet më të prekura dhe me më pak të ardhura dhe mundësi për të dalë nga kjo situatë e vështirë pas tërmetit, të cilët janë të detyruar të qëndrojnë pranë shtëpisë së rrënuar sepse nuk mund të shkëputen nga shtëpia, gjëja e gjallë.
Të kemi ndërtuar dhe hapur dyert e disa mijëra shtëpive të reja”, tha Rama. /tesheshi.com/
