Festa e rindërtimit, nga Laçi kaloi në Bubq, ku 122 familje morrën çelësat e shtëpive të tyre të reja pasi mbetën të pastreha prej tërmetit të fundnëntorit 2019. Rama tha se ky fshat tashme është kthyer edhe më i bukur dhe modern me shtëpi të reja më të forta se para tërmetit, ku familjet do kalojnë festën e fundvitit.
Madje ai tha me humor tha se këto lagje moderne po bëjnë xhelozë shumë persona, duke thënë “aman, pse nuk na preku ne tërmeti”.
Më tej, ai bëri të ditur se qeveria po përgatitet për një reformë për strehimin e banorëve që jetojnë në pallatet e vjetra, ku do i sigurojë atyre një shtëpi të re dhe të fortë që nuk kanë mundësi ta blejnë vetë. Prioritet në këtë program do të kenë familjet në nevojë dhe çiftet e reja.
“Po përgatitemi për një reformë për strehimin për pallatet e vjetra, që të ketë pallate me cilësi, standarde dhe kosto jo të mëdha. Të bëjmë me shtëpi ata që nuk kanë mundësi të blejnë një shtëpi të re”, tha Rama.
Ai potencoi gjithashtu financimin emiratas për këto banesa.
“Princit të Emirateve i shkova në shtëpi dhe i kërkova ndihmë. Një gjë e tillë i bie dhe një vendi të pasur dhe nuk e përballon dot, jo më t’i bjerë Shqipërisë. Nderim dhe respekt për të gjithë ata që kanë kontribuar”. /tesheshi.com/
