Ka humbur rreth 40 kilogramë të peshës trupore dhe ka arritur të peshojë vetëm 35 kilogramë, me bindjen se vetëm kështu do të mund të bëhej popullore, të krijonte miq të rinj deh të gjithë ta donin.
19 vjeçarja Elle Lietzow nuk ka arritur ta kuptojë se sa ishte duke e lënduar veten, deri në ditën kur i ra të fikët dhe e çuan në spital në gjendje shumë të rëndë shëndetësore. Më pas arriti të rilindë, duke mposhtur anoreksinë me një dietë të shëndetshme dhe shumë miq që i ndenjën pranë. “Nuk izolohem më”,- thotë ajo.
Elle kishte vendosur të mos hante më. “Doja të isha e dobët që të pranohesha nga të gjithë . vendosa të mos ha për një farë kohe”,- rrëfen vajza. Nisi më pas makthi i anoreksisë.
Kur mbërriti në spital, mëlçia dhe veshkat ishin në gjendje të rëndë. Elle nuk pinte as ujë. Indeksi i masës trupore kishte zbritur në 12.
Prej shtratit të spitalit ajo nisi të rilindë. “Nuk kisha më energji. E dija se isha duke vdekur. Që kur u shtrova në spital jeta ime ndryshoi. Tani nuk izolohem më dhe kam gjithmonë miq. Atyre që vuajnë nga anoreksia u them se askush tjetër nuk mund t’i ndihmojë veç se vetja e tyre dhe bindja se mund të kalojnë gjithçka me sukses”,- tregon Elle./tesheshi.com/
