Ish-ministri i LSI-së, Dritan Prifti, është larguar nga politika aktive për arsye shëndetësore, por vijon të ketë ndikim në një pjesë të konsiderueshme të elektoratit në qarkun Fier.
Në zgjedhjet e fundit vendore ai arriti të merrte rreth 10 mijë vota për kandidatin Albert Çaçi që e mbështeti në fushatë.
Por në këto zgjedhje ai ka vendosur që ndikimin e tij në zonën e Fierit, ku ka qenë deputet ta përdorë për të ndihmuar Edi Ramën dhe Partinë Socialiste.
Në një postim publik ai u bën thirrje mbështetësve të tij të votojnë PS-në. Arsyeja është e thjeshtë, bashkimi kundër Ilir Metës dhe LSI-së.
Prifti ishte strumbullari i skandalit më të madh të korrupsionit që ka përfshirë ndonjëherë politikën shqiptare, kur vendosi të denoncojë ish-eprorin e tij Ilir Meta. Videoja ku Meta shfaqej duke bërë llogaritë e parave që do të fitonte nga tenderat u bënë shkak për protestën e madhe të 21 janarit 2011 ku u vranë dhe 4 protestues të opozitës.
Dritan Prifti iu ka bërë thirrje mbështetësve të tij në Fier të votojnë Partinë Socialiste, ndërsa në Shkodër ka ofruar mbështetje për Tom Doshin.
“Do t’i përgjigjem shumë miqve te mi që më telefonojnë dhe shkruajnë çdo ditë për të kërkuar mendim për cilën parti duhet të votojnë.
Nuk dua të jap mendim se për cilët duhet të votojmë në rang vendi, sepse nuk i njoh kandidatët, por do guxoj të jap një mendim për Qarkun Fier dhe Shkodrën. Nëe Fier unë do votoja Partine Socialiste sepse i njoh kandidatët dhe socialistët janë superior.
Sigurisht që më pëlqen fakti që Rama arriti të bëjë një marrëveshje para dhe pas zgjedhore me Bashën.
100 herë më mirë se bashkëqeverisja me LSI-në”- shkruan Prifti. /tesheshi.com/
