Ministri i Jashtëm, Ditmir Bushati, ka reaguar mbi lajmin e rrezikut të rikthimit të vizave për qytetarët shqiptarë, pas kërkesës së policisë dhe prokurorisë së Holandës drejtuar qeverisë së këtij vendi për të parë qëndrimin mbi këtë çështje.
Kreu i diplomacisë shqiptare nuk jep një përgjigje mbi çështjen, por me ironi i cilëson kritikuesit si gjinkalla të dëshpëruara që po kalojnë ethet e gushtit me klithma.
“Gjinkallat e dëshpëruara të 25 Qershorit po i kalojnë ethet e gushtit me klithma për kthimin e vizave! Shërim të shpejtë”, shkruan Bushati në rrjetet sociale.
Reagimi i ministrit të Jashtëm vjen pas reagimeve të shumta nga opozita dhe ish-Presidenti Bujar Nishani, të cilët e konsideruan situatën alarmante. /tesheshi.com/
