I harruar deri dje, Jemin Gjana është rikthyer në jetën aktive politike brenda PD-së, pas përvojës si kryetari i Komisionit Qendor Elektoral për Zgjedhjet në parti. Është rikthyer fort, duke u bërë palë në krizën brenda demokratëve, një profil që në fakt kurrë nuk e ka patur gjatë karrierës së tij.
Së fundi, pas rizgjedhjes së Bashës-kryetar, ai ka sulmuar ashpër kritikët e tij, ku veçon Besnik Mustafajin.
“A e dini ju që Besnik Mustafaj nuk është anëtar i Partisë Demokratike. Unë nuk e kuptoj se si një njeri që nuk ka teseren e kësaj partie, nuk e ka emrin në asnjë dokument anëtarësie të saj deklaron se nuk do votojë në zgjedhjet për kryetar. Në të gjithë karrierën e tij politike Mustafaj më rezulton se nuk ka plotësuar asnjë formular. Më kujtohet se në vitin 1998 kur Mustafaj erdhi nga Franca ku ishte ambassador, Berisha i propozoi të ishte sekretar për Marrëdhëniet me Jashtë në PD, por kjo duhej të votohej në Këshillin Kombëtar përmes një rregulli që minimumi ai duhej të ishte anëtar i PD-së. Pasi ia thamë këtë, Mustafaj kundërshtori dhe nuk pranoi të ishte anëtar i PD-së dhe të merrte teseren”, tha Gjana gjatë një interviste në Channel One me gazetarin Rolan Qafoku.
Ai ka përcjellë kritika dhe për Topallin, Patozin e Imamin, por ajo që më së shumti ka bërë përshypje, kë qenë kjo frazë e tij: “Ajo që kanë pështyrë ndaj PD-së, një ditë do t’u kthehet në fytyrë”.
Deklarimet e Gjanës janë tregues që kriza e PD-së nuk do të jetë e lehtë që të zgjidhet e mosmarrëveshjet të shuhëen brenda një kohe të shkurtër. /tesheshi.com/
