“Sot kemi bërë diçka të jashtëzakonshme. Demokracia është mundësia për të zgjedhur dhe unë falënderoj vullnetarët”, ishin fjalët e para të ish-kryeministrit italian, Mateo Renzi pas daljes së rezultateve që e konfirmojnë atë në krye të partisë Demokratike në Itali me 71 për qind të votave.
Në fjalën e tij falënderuese ish-kryeministri italian u shpreh se me këto zgjedhje ka fituar e gjithë partia Demokratike dhe sidomos ata që nuk janë turpëruar nga gjërat e bëra deri më sot pasi janë shënuar 70o mijë vende pune më shumë
Më tej Renzi foli dhe për populistët duke komentuar se alternativa nuk qëndron në studiot televizive e as në Tuiter por është në popull. Mesazhi i tij më provokativ shkon për Brukselin nga i cili ka kërkuar ndryshime të vërteta.
Së fundmi, në Europë janë shtuar prirjet për reformim të Bashkimit Europian si e vetmja mënyrë për të shmangur shpërbërjen pas Brexit dhe rritjes së populistëve dhe partive anti-BE. /tesheshi.com/
