Supremacia e bardhë ritkhehet në SHBA me protesta të dhunshme dhe përplasje me kundërshtarët në Charlottesville. Demonstrata riktheu famëkeqen Ku Klux Klan, të cilës iu bashkua edhe lëvizja djathtiste Alt-Right, tek e cila reflektohen qëndrime naziste, dhe njihet si mbështese e Trumpit.
Marshimi i mbiquajtur “Bashkoni të djathtën” ishte thirrur për të protestuar kundër planeve për të hequr statujën e gjeneralit Robert E. Lee, i cili kishte luftuar për konfederatën proskllavërisë gjatë luftës civile në SHBA.
Por marshuesit u përplasën me anti-protestuesit e majtë. Pati disa incidente dhe të vdekur nga trazirat në qytet.
Nga rezidenca e pushimeve në Neë Jersey Presidenti Donald Trump dënoi dhunën duke u shprehur se “dënon në mënyrën më të ashpër shpërthimin e tmerrshëm të fanatizmit, urrejtjes dhe dhunës nga të gjitha anët”.
Por ndaj tij kanë vërshuar kritikat për reagim të vakët.
Mjaft komentues të mediave amerikane shprehin kritika pas reagimit të vakët të Trumpit, fitorja e të cilit si president u festua në rrjetet djathtiste, raporton DW.
Por kritika e fortë vjen edhe nga republikanët. “Mr. President- ne duam t’i vemë emrin së keqes. Ata ishin racistë të bardhë dhe ajo që ndodhi ishte terrorizëm i brendshëm”, u shpreh në tëitter senatori republina, Cory Gardner. “Vëllai im nuk dha jetën në luftë kundër Hitlerit që qëndrimet naziste të vazhdojnë të jenë prezente pa asnjë rezistencë”- shkruan senatori më i vjetër republikan në senat, Orrin Hatsch.
Nisin hetimet për ngjarjen
Departamenti i Drejtësisë ka hapur një hetim për të drejtat civile, lidhur me goditjen e turmës me makinë gjatë një proteste kundër një demonstrate të nacionalistëve të bardhë në Sharlotsville të Virxhinias.
Prokurori i Përgjithshëm Jeff Sessions, tha se “Dhuna dhe vdekjet në Sharlotsville janë një goditje e rëndë për ligjin dhe drejtësinë amerikane. Kur veprime të tilla burojnë nga fanatizmi dhe urrejtja, ato përbëjnë një tradhëti ndaj vlerave tona thelbësore dhe nuk mund të tolerohen.”
Guvernatori Terry McAuliffe shpalli gjendjen e jashtëzakonshme në Sharlotsville, pas shpërthimit të përleshjeve mes nacionalistëve të bardhë, që mbanin mburoja, dhe anti-protestuesve që po ashtu ishin të pajisur me mjete mbrojtëse, raporton VOA.
Përveç një gruaje të vrarë nga makina që goditi turmën, dy persona të tjerë gjetën vdekjen nga përplasja e një helikopteri, incident që policia tha se kishte lidhje me tubimin e protestës.
Guvernatori Terry McAuliffe shpalli gjendjen e jashtëzakonshme në Sharlotsvil pas shpërthimit të përleshjeve mes nacionalistëve të bardhë, që mbanin mburoja, dhe anti-protestuesve që po ashtu ishin të pajisur me mjete mbrojtëse.
/tesheshi.com/
