I dërguari i Presidentit Trump për dialogun Prishtinë-Beograd, ia ka dedikuar pikërisht eprorit të tij të lartë në Shtëpinë e Bardhë, arritjen e marrëveshjes për transport hekurudhor mes Kosoëvs dhe Serbisë,
“Falë udhëzimeve specifike të presidentit amerikan Donald Trump, ne kemi nënshkruar tri marrëveshje ekonomike për katër muaj. Një për linjën ajrore, një për linjën hekurudhore dhe tjetrën për autostradat. Diplomaci”, ka shkruar ai në Twitter duke e ripostuar dhe njoftimin e ambasadës amerikane në Gjermani, i pari i së cilës ai është si ambasador, për arritjen e marrëveshjeve.
Ky zhvillim i fundit ndodhi në Mynih, atje ku janë mbledhur krerë të botës, mes tyre dhe qeveritarë shqiptarë, për një konferencë treditore. /tesheshi.com/
