Presidenti ukrainas Petro Poroshenko ka nënshkruar sot një dekret për vendimin e Këshillit të Sigurisë Kombëtare dhe të Mbrojtjes, për shpalljen e gjendjes së luftës në Ukrainë deri më 25 janar të vitit të ardhshëm.
Ai nënshkroi një dekret pasi Rojet Bregdetare ruse sulmuan e më pas kapën tre anije të Ukrainës në Detin e Zi pranë Krimesë. Incidenti rikthen krizën mes Rusisë dhe Ukrainës, shpërthyer pak vite më parë pas aneksimit të Krimesë.
Në incidentin e djeshëm, gjashtë ushtarë ukrainas u plagosën, dy më rëndë.
NATO sot thirri takim urgjent, ku katërshja Gjermani, Rusi, Ukrainë dhe Francë do të mbajë një takim të planifikuar më parë mbi situatën në Ukrainë.
Rusia ka kundërshtuar thirrjet nga bashkësia ndërkombëtare për lirimin e marinarëve ukrainas dhe tre anijeve duke deklaruar se ata kanë lundruar në mënyrë të paligjshme në ujërat territoriale ruse. /tesheshi.com/
