Shtëpia e veshjeve dhe këpucëve të punuar me dorë Berluti është bashkuar me Land Rover për të rikrijuar legjendarin e vitit 1963 – Defender, një simbol i qëndrueshëm i aventurës autentike.
Automjeti ka detaje që bëjnë diferencën dhe pasqyrojnë njohuritë e thella të shtëpisë Berluti. Një emër sinonim i stilit, elegancës dhe mjeshtërisë së pashoqe, i themeluar nga Alessandro Berluti. Marka franceze Berlutti është e njohur për ekspertizën e saj në këpucët e punuara me dorë, vazhdimisht që nga viti 1895. Deri më sot, ajo është e njohur për veshjet dhe aksesorët e saj ultraluksoz, duke përdorur pëlhurat më të mira nga artizanët që i kanë kushtuar jetën artit të punimit me dorë.
Berluti është një tjetër markë luksoze që ka pësuar një transformim të madh që nga viti 2011, kur edhe ajo hyri në krahët e Antoine Arnaud dhe gjigantit global LVMH. Arsyeja e vendimit të francezëve për të porositur një Land Rover krejtësisht të personalizuar është linja e tyre e fundit e veshjeve dhe këpucëve që ikin nga imazhi i krijuar dhe dalin në natyrë duke krijuar pjesë të mrekullueshme të frymëzuara nga emocioni i eksplorimit. Land Rover Defender i Berlutit kombinon përdorimin urban dhe biznesin me udhëtimet e kohës së lirë dhe shpreh pasionin e shtëpisë franceze për momente të jashtëzakonshme, përvoja të përbashkëta dhe aventura.
I rilyer në ngjyrën e tij origjinale të rërës, Berluti i jep këtij Land Roveri një prekje premium me një kabinë kanavacë të printuar me një motiv Scritto. Ai përmban gjithashtu shtatë sedilje të stilizuara të veshura me lëkurë Venezia me një patina të përjetshme kakao. Përveç kësaj, pulti vihet në pah nga odometri analog i kromuar, timoni me energji elektrike dhe frenat me disk, motori 2.3 litërsh me benzinë me katër cilindra që prodhon 77 kuaj fuqi, ndërsa hapësira bagazhit përfshin përveç xhepave dhe ndarjeve të fshehura të cilat janë të frymëzuara nga çanta ikonë Berlutti. Duke i mbajtur gjërat në stil të cilësisë së mirë, ky Land Rover klasik nuk është vetëm për… pasarelë, por për rrugë të pjerrëta dhe të thyera me mekanikën e tij origjinale të ruajtur dhe përmirësimet moderne që e bëjnë atë të ecë dhe të frenojë më mirë.
Koleksioni i stilit të jetesës së Berlutit – Winter 2022 përfshin batanije, qese dhe çanta shpine të krijuara posaçërisht për shëtitje dhe aventura, si dhe një shtrat të varur me dy vende prej kanavacë dhe lëkure, në mënyrë që të përgatiteni për të nisur aventurën tuaj me ose pa unikën në zhanrin klasik Land Rover. Në një udhëtim, jeta merr kuptim dhe ngjarjet që ndodhin gjatë udhëtimit kërkojnë durim. Kushdo që dëshiron të zotërojë këtë makinë unike retro do të duhet gjithashtu të jetë i durueshëm, pasi Berlutti Land Rovers janë bërë me porosi. /tesheshi.com/
