Në Uashington është reaguar me entizuazëm pas arritjes së një marrëveshjeje për rinisjen e fluturimeve ajrore mes Prishtinës dhe Beogradit, kjo pas 20 vitesh ndërprerjeje.
Pakti u arrit më ndërmjetësim amerikan, ndaj dhe është cilësuar një fitore, ku rolin kryesor e ka luajtur Richard Grenell, ambasador i SHBA në Gjermani, e njëherësh i Dërguari special i Trump për Dialogun.
“Të gjithë thoshin se nuk bëhej dot. Por për herë të parë në një gjeneratë do të ketë fluturime të drejtpërdrejta midis Serbisë dhe Kosovës. Një tjetër fitore.” – ishte vetë Trump që shkroi në rrjete.
Më pas, ishte Këshilli Amerikan për Sigurinë Kombëtare që e cilësoi si zhvillim historik.
“Ditë historike! Po kapërcejmë të kaluarën duke ndërtuara përpara një marrëdhënie normale midis fqinjëve”.
Por për ironi, nuk ekziston ende një linjë fluturimi mes Tiranës dhe Prishtinës. /tesheshi.com/
