Një tjetër goditje tërmeti është ndjerë në pellgun Tiranë – Durrës në orët e mesditës, por që sizmiologët nuk e quajnë alarmante këtë situatë, paçka panikut që ka përfshirë pothuajse të gjithë Shqipërinë e Mesme.
I njohuri Rrapo Ormeni, tha se ajo që po ndodh është një proces normal, duke shtuar se është nevojshme që energjia të çlirohet.
“Siç kemi theksuar gjatë ditëve në vijim, kanë rënë shumë pasgoditje, 1300 të tilla që nga data 26. Duhet pasur parasysh, ata që janë të dallueshëm, 3 lëkundje kanë qenë mbi 5 rihter, 25 mbi 4 rihter, 130 mbi 3, ndërsa të tjerët nuk ndihen por regjistrohen nga aparaturat. Që nga mbrëmë kemi patur të tjera pasgoditje. Është diçka normale, që energjia të çlirohet. Te kemi 4.5 dhe madje edhe 5. Kjo tregon se energjia po çlirohet nga zona sizmike.
Është e nevojshme të kemi çlirim energjie dhe pasgoditje. Nuk ka vend për panik. Sigurish as në zonën e Durrësit. Në Tiranë ai vjen një ose 1.5 shkallë më e vogël. Kjo nuk shkakton dëme vetëm tek banesat që janë dëmtuar rëndë. Kjo është normale të çlirohet energjia. Është një proces normal, njerëzit duhet ta dinë se energjia duhet të çlirohet.
Populli besoj është bërë i vetëdijshëm se kanë rënë disa pas goditje dhe nuk kanë bërë pasoja. Ka pasur vite që nuk binin tërmete. Kjo gjë është normale. Tërmeti i shtatorit pati pasgoditje rreth një muaj e ca. Ishin të lehta. shpeshtia po vjen duke u zvogëluar edhe magnituda e tyre. Trendi i tyre do të jetë gjithmonë në rënie. Nuk kanë asnjë lloj efekti”, tha Ormeni në një prononcim për A1 Report. /tesheshi.com/
