Ministrja e Shëndetësisë Ogerta Manastirlliu doli para medias për të sqaruar rikthimin e kufizimit të pjesshëm COVID, atij që nis nga ora 22 e mbrëmjes e deri në 6 të mëngjesit, siç ka vendosur një ditë më parë Komiteti Teknik.
Ajo shpjegoi psenë e asaj me të cilën, siç tha, mund të bëhet dhe humor.
“…Padyshim që ka dhe nga ata që mund të priren të bëjnë humor me virusin, sepse padyshim pyetja që ngrihet është: pse ora 22, a del virusi natën?
Këto pyetje mund të jenë të bukura për të qeshur për një moment, por të kthehemi me këmbë në tokë. Mjekët dhe infermierët në spitale janë hallka e fundit pritëse, por janë shumë ekipe që punojnë 24 në 24. Këto nxjerrin konkulzione mbi burimet dhe rrisqet e infeksionit. Jo vetëm kanë përcaktuar se cilët janë qytetet me risk të ulët dhe të mesëm që është prezantuar dje dhe nga Silva Bino por zonat që shtojnë aktivitete për hapjen e virusit.
Mosha mesatare është 47 vjeç, tregon që është një moshë që priret të ketë më shumë infektime dhe sigurisht do të infektohet më shumë. Në mjedise të mbyllura ulet vigjilenca, maska nuk mbahet, nuk respektohen të gjitha rregullat. Më pas e përhapin në shtëpi, te prindërit dhe të gjyshërit që nuk kanë imunitet. Komiteti u mbështet në këtë lloj arsyetimi kur vendosi këto masa.
Zbatueshmëria e rregullave nuk ka ndodhur në masën 100%, se as në Shqipëri e as në vend të botës nuk ka luksin që të ketë një polic në çdo lokal,
Nuk kemi shpikur rrotën duke marrë këto masa.
Ka vende që kur vala e dytë ka përparuar më shpejt i kanë marrë masat gradualisht dhe ne po ndjekim të njëjtën trajektore.
Sot kam firmosur urdhrat që do të jenë në fuqi nga nesër me qëllim parandalimin e përhapjes së COVID.
Kufizimi deri 2 dhjetor, përjashtim për arsye emergjente. Për ata për arsye pune do të pajisen me autorizim përmes portalit e-albania. Administrata do të punojë online sipas vlerësimti të sektorëve, sigurisht të shërbimeve do të ketë një rakordim sipas sektorëve për punën online duke zbatuar detyrat dhe përgjegjësit që ka cdo punonjës“, tha Manastirliu.
Ajo gjithashtu kritikoi opozitën për qasjen e saj, duke kujtuar që është një krizë globale.
Një realiteti i vështirë për ne dhe të gjithë botën mbarë. Ky realitet nuk është ashtu siç do ta shohë opozita. Sot raportohet se në vende si Italia është dhënë alarmi për ngarkesë të sistemit shëndetësor, por a shihni atje konference ku u bëjnë thirrje qytetarëve të mos besojnë te mjekët? Në situata si kjo e pandemisë që ndodhen 1 herë në 100 vjet rruga e duhur për të mbrojtur shëndetin e njerëzve është bashkëpunimi dhe jo shfrytëzimi i situatës”, tha ajo. /tesheshi.com/
