Pas rikthimit të gazit lotsjellës në Kuvendin e Kosovës nga Vetëvendosje në momentin që u hodh në votim marrëveshja për Demarkacionin kanë ardhur edhe reagimet e para të zyrtarëve të partive politike.
Ismet Beqiri, deputet i LDK-së, e quajti veprimin e VV-së si të turpshëm për ta dhe për Kosovën.
“Nuk është lajm i ri, është vazhdim i lajmeve të kqija që po i jipen Kosovës. Tri vite me radhë kanë ndodhur të njëjtat gjëra. Tash janë njerzit e njëjtë të një subjekti. Po tentohet të pengohet vullneti i lirë i deputetëve dhe subjekeve politike. Besoj që seanca do të vazhdojë dhe do të hedhet sot në votim për të përfunduar një odiseadë e kësaj çështje. Nuk e di se sa vota janë, por ne po dëshirojmë që me 27 votat tona të garantojmë për funksionimin e këtij vendi”, tha Beqiri.
Blerta Deliu-Kodra, deputete e PDK-së, ka deklaruar se VV veproi në mënyrën më të ultë dhe më të turpshme
“Kjo mënyrë assesi nuk mund ta kalojë ratifikimin e marrëveshjes pasi janë siguruar 80 votat e nevojshme”, tha ajo.
Ish-vetëvendosësi Ilir Deda, tani deputet i Alternativës, veprimin e VV-së e quajti për keqardhje.
“Dhuna nuk e ndal vullnetin për lëvizje të lirë të deputetëve. Ata thanë se vetëm do të votojnë kundër. Më vjen keq për Vetëvendosjes”, tha Deda.
Kurse deputeti i AKR-së, Labinot Tahiri pas hedhjes së gazit lotsjellës është lidhur live në rrjetet sociale me ç’rast ka ironizuar duke thënë se po bëhet dasëm në kuvend.
“Ishalla kallet në tana anët”, ka thënë Labi.
Ndërsa deputeti i NISMA-s, Milaim Zeka, veprimin e vetëvendosësvee quajti gazi i botës dhe terrorizim i Kuvendit
Ai ka quajtur deputetët e VV-së barbarë dhe rrugaqë, ndërsa ka thënë për diçka e tillë kishte njoftuar shërbimi sekret serb.
“BIA serbe ka njoftuar se do të ketë gaz lotsjellës në Kuvend”, deklaroi Zeka.
Ai tha se VV sapo pa që ishin votat për Demarkacion, vendosi që të hidhte gazin lotsjellës.
“VV si e ka pa që Adem Hodza ka hyrë në Kuvend, e ka hedh gazin”, deklaroi Zeka. /tesheshi.com/
