Janë kthyer atentatet në Shkodër, ku viktimë është një tjetër emër nga fisi Ferracaku.
Fatos Ferracaku, kushëri i Arjan Ferracakut vrarë muaj më parë teksa kalëronte, u vra pasi u qëllua nga dy persona, ngjarje e ndodhur në lagjen “Partizani”.
Ndërkohë, i plagosur mbeti Fatmir Mehaj që shoqërohej me viktimën. Vrasësit thuhet se ishin dy, hipur mbi një motor, që u gjend më pas në lagjen Dobraç, e njohur si strofulla e bandës së Bajrajve.
Ky atentat vjen pas një periudhe qetësia, e gjithashtu pas arrestimit të disa kokave të krimit në Shkodër, përfshirë dhe Bajrat.
Nëse edhe ky atentat i radhës nuk zbarthet, shkon në shtatë numri i vrasjeve të pazbardhura, ndodhur në Shkodër brenda pak muajve. /tesheshi.com/
