Organizata Botërore e Shëndetësisë ka ngritur alarm për përhapjen e fruthit, duke bërë me dije se në mesin e 4 vendeve të Evropës edhe Shqipëria po përballet me rritje të rasteve.
Lajmi u bë publik në websajtin e kësaj organizate, e cila i referohet një studimi të kryer Komisionit Evropian të Verifikimit të eliminimit të Fruthit dhe Rubeolës (RVC).
“Pas disa vitesh ku u shënua përparim i vazhdueshëm drejt eliminimit të fruthit në Rajonin Evropian, numri i vendeve që kanë frenuar ose eliminuar sëmundjen ka rënë”, ishte përfundimi i nxjerrë nga i RVC, bazuar në një vlerësim të azhurnimeve të statusit vjetor për vitin 2018 të paraqitur nga 53 Shtetet Anëtare të Rajonit.
RVC përcaktoi që për herë të parë që nga fillimi i procesit të verifikimit në Rajon në vitin 2012, 4 vende hu hyjnë Shqipëria, Çekia , Greqia dhe Britania të cilat humbën statusin e tyre të çrrënjosjes të fruthit.
Rikthimi i përhapjes së fruthit është shqetësues edhe për shkak se ka familje që nuk kanë vaksinuar fëmijët kundër sëmundjes potencialisht vdekjeprurëse. /tesheshi.com/
