Ish-ministri Fatmir Xhafaj u shfaq kritik ndaj mazhorancës për çështjen e hartës së re gjyqësore, më saktë për grevën e avokatëve karshi saj.
Socialisti i njohur, ndër autorët e Reformës në Drejtësi, u vu krah opozitës lidhur me vonesat disajavore në zhvillimin e një seance dëgjimore me institucionet e drejtësisë.
“Ne këtu jemi përfaqësues të qytetarëve dhe interesave të tyre para së gjithash. Jemi ne që duhet t’i vënë në presion për ta shpejtuar procesin sepse edhe Ministria e Drejtësisë edhe Këshilli i Lartë Gjyqësor janë në shkelje të rëndë të ligjit dhe u bënë gati dy javë mos gaboj që nuk ka gjyq”, tha Xhafaj në komisionit parlamentar për çështjet ligjore.
Kryetarja e komisionit, Klotilda Bushka, justifikoi vonesën duke nënvizuar shkak kishte qenë një përgjigje nga Ministria e Financave mbi kostot financiare nga shpërndarja e re gjyqësore dhe institucionet nuk ishin gati për t’iu përgjigjur të gjitha pyetjeve të deputetëve.
“Nëse ju kanë thënë kështu unë jam i lemerisur sepse do të thotë se deri tashti 3 vjet nuk kanë marrë mendimin e Ministrisë së Financave. Atëherë kjo është shqetësuese”, tha Xhafaj. /tesheshi.com/
