Madonna është personi i fundit nga Hollivudi dhe industria muzikore që e akuzon producentin e njohur Harvey Weinstein për ngacmime seksuale të padëshiruara.
Hollivudi u trondit vitin e kaluar nga akuzat për sulme të bëra kundër Weinstein, gjë të cilën ai vet e mohon. Këngëtarja tha se Weinstein “kapërceu linjat dhe kufijtë”, kur ata punonin në dokumentarin e saj të vitit 1991.
Ajo i tha The New York Times se ai ishte “jashtëzakonisht flirtues dhe imponues” kur ishin duke punuar së bashku. “Ai ishte i martuar dhe mua nuk me interesonte,” shtoi ajo.
Kompania Weinstein Company e cila ishte në pronësi të manjatit të filmit, falimentoi vitin e kaluar, pasi e kishte shkarkuar Harveyn nga detyra e shefit. /tesheshi.com/
