Nuk ka asnjë ndryshim nga të enjtet e tjera: parlamenti me të njëjtin skenar, fillon séance, del Basha dhe më pas bllokohet foltorja.
Ashtu ndodhi edhe sot. Kryetari i PD-së, tha se nuk ka seancë pa Edi Ramën dhe Fatmir Xhafajn, që nuk u paraqitën në Kuvend.
“Seanca nuk duhet të vazhdojë pa Ramën e Xhafajn. Llogaridhënia e tyre për të ardhmen europiane është detyrim moral e politik. Nëse nuk duan të vijnë më në këtë sallë, të largohen sot dhe të çlirojnë Shqipërinë nga aleanca me krimin që është pengesa numër 1 për integrimin europian të vendit”, u shpreh Basha.
Më pas, deputetët e opozitës bllokuan foltoren e Kuvendit, duke detyruar kreun e tij Gramoz Ruçi që të ndërpresë seancën.
/tesheshi.com/
