Pas një periudhe relaksi, duket se dimri në raportet turko-gjermane është rikthyer sërish. Një numër politikanësh gjermanë, në mesin e tyre kancelarja Angela Merkel kanë refuzuar ftesën për një darkë gala në nder të presidentit turk Rexhep Tajip Erdogan, i cili do të qëndrojë në një vizitë zyrtare në Gjermani, me ftesë të homologut Frank-Ëalter Steinmeier. Është pikërisht ky i fundit që e shtron darkën, por që ka një pozicion honorifik sipas sistemit politik gjerman.
“Prania e kancelares në banketin e organizuar nga presidenti nuk përjashtuhet”, u tha nga Kabineti i Presidences gjermane, para se Spiegel të konfirmonte se kancelarja Merkel nuk do të jetë në darkë.
Është pohuar se se kancelarja “vetëm ndonjëherë” merr pjesë në ceremonitë e rezidencës presidenciale, dhe hera e fundit ishte gjatë vizitës së Mbretëreshës Elizabeth II në Berlin në vitin 2015.
Raportohet se një numër politikanësh të opozitës gjermane kanë anuluar ardhjen në kështjellës Bellevue, aty ku do të shtrohet darka për nder të Erdoganit.
Do bëjë përjashtim ish-presidentit të Gjelbërve, Cem Oezdemir, një politikan me origjine turke, që edhe pse kritikme Erdoganin, ka pranuar ta nderojë atë me prezencën në darkë
Thuhet se vizita zyrtare tre-ditore e presidentit turk do të jetë kështu në hijen e marrëdhënieve të tensionuara midis dy vendeve për vite me rradhë.
Marrëdhëniet u acaruan pasi Turqia akuzoi Gjermaninë që ofron strehim për të implikuarit në organizimin e grushtit të shtetit të në verën e vitit 2016.
Por tensionet mes tyre kanë patur tjetër fillesë, që me protestat në Gezi Park në Stamboll, pas të cilave u zbulua se qëndronte Gjermania në një përpjekje për rrëzimin e Erdoganit. Gjithsesi, pas përplasjes mes dy vendeve, aludohet se fshihet si arsye ndërtimi i areoportit të tretë të Stambollit. Në trafikun ajror, ky areoport nxjerr jashtë loje atë të Frankfurtit. /tesheshi.com/
