Pas ditësh të ngrohta me aromë pranverore, vendi është përfshirë nga një valë e ftohti me erë e shi, si dhe dëborë në zonat veriore. Për pasojë është vështirësuar qarkullimi në disa akse rrugore.
Sipas Autoritetit Rrugor Shqiptar dhe Drejtorisë së Përgjithshme të Shërbimeve të Transportit Rrugor, ja cila është gjendja e disa akseve:
-Akset Qafë Bualli – Kraste, segmenti Muhur – Qafë Draje, Ostren – Stebleve, —-Sllove – Kala e Dodës kanë vështirësi në qarkullim, prandaj rekomandohen zinxhirët.
-Gjithashtu, dhe në Pukë kanë pushuar reshjet e borës, por vetëm aksi Qafë Mali – Fierze, momentalisht është i bllokuar në zonën e Dardhës. Po punohet për zhbllokimin sa më parë të këtij aksi. Akset e tjera janë të hapura dhe qarkullimi kryhet pa zinxhirë. Po punohet për zgjerimin e pjesës kaluese.
-Aksi Elbasan–Qafë Thanë, në Murrash ka patur rënie gurësh, por vijon puna për largimin e tyre nga rruga. Nuk ka probleme per qarkullimin.
-Në Kukës, reshjet e borës kanë ndaluar, ndërsa trashësia e saj ka arritur në 1 metër.
-Në aksin Vlorë–Palasë, në Fushë Dukat, ka shkarje dheu. Kalimi kryhet me dy kalime me vështirësi. Të bëhet kujdes në qarkullim, sidomos në segmentet ku ka rrëshqitje të materialeve në rruge.
-Aksi Elbasan–Gjinar është bërë i kalueshëm me vështirësi, sipas variantit të ri të rrugës. Vazhdon të punohet në këtë aks. Nuk lejohet kalimi i autobusëve. Të bëhet kujdes në zonat ku ka rrëshqitje të rrugës.
-Në aksin Fushë Studën–Stebleve ka 20 cm borë, por qarkullimi nuk paraqet probleme.
-Në Qarkun e Beratit nuk ka probleme për qarkullimin e mjeteve, por të bëhet kujdes në akset ku ka rrëshqitje, si pasoje e reshjeve. /tesheshi.com/
