Një debat i ashpër është zhvilluar në Kuvend ndërmjet kryetarit të partisë së minoritetit grek në Shqipëri, Vangjel Dule dhe Kryeministrit Edi Rama.
Dule, i cili ka një mëri të vjetër me Ramën që lidhen me ftohtësinë e realcioneve të kryeministrit aktual me Athinën, e nisi “ters” me një përplasje me deputetin socialist, Erjon Braçe.
E quajti “kone” në një koment tensioni dhe sulmoi ashpër qeverinë dhe Edi Ramën.
Dule theksoi se me firmën e Ramës, njerëz të inkriminuar janë futur në Parlament, ndërsa dy vjet e gjysmë në pushtet, qeverisë i ka humbur kauza.
“Keni humbur dhe keni konsumuar në dëm të Partisë Socialiste kauzën që jua besoi juve. Kishte opozita superioritet moral. Për dy vjet e gjysmë e humbët këtë idionomi morale me aferat tuaja”, tha Dule
Kryeministri Edi Rama i është përgjigjur menjëherë: “Vangjel, nuk ishte e drejtë fraza që i adresove Erjonit. Është sikur të të thuash kone e Greqisë, por unë të bëj thirrje bëhu me PS-në e do të bëj mik me Idrizin”.
Por Rama ka shkuar edhe më tej duke përmendur marrëveshjen e detit me Greqinë.
“Nuk thashë jemi të gjithë bashkëfajtorë. Thashë jemi të gjithë kriminelë, dhe unë i pari, kriminelë të trajtuar si të tillë për vite e vite të tëra. Marrëveshja e detit është një tradhëti. Greqia në Tiranë gjeti ca kokrra tradhëtarësh. Vangjel ke humbur gjithçka. Nuk ta ka fajin PS-ja dhe qeveria jonë që në komunat të cilat u kthyen në bashki në respekt të minoritetit, siç nuk ndodh kurrë dhe nuk imagjinohet në vendin e dashur fqinj, humbe gjithçka. Kush ta ka fajin. Do të thuash se nuk bëmë zgjedhje të lira? Jo, kjo është e dobët. Ta kam thënë miqësisht e po ta them prapë. Ke vetëm një rrugë: hajde anëtarësohu në PS. Bëhu pjesë e jona, përfaqëson një komunitet që ne e vlerësojmë shumë. Bëhu pjesë e jona por nuk mund të dalësh të na tregosh ne pasqyrat. Është sikur dikush do të thoshte në Kuvend mos bëj konen e Greqisë. Nuk mund t’i thuash Braçes mos bëj konen. Ti nuk je Saliu, Vangjel.. Ti nuk je i majtë i lodhur, je një mik i mirë. Reflekto dhe hajde bëhu pjesë e PS-së. Do të bëjmë dhe atë që të duket e pamundur. Do të të bëjmë mik me Shpëtim Idrizin”, tha Rama. /tesheshi.com/
