Siç njofton Top Channel, Drejtoria e Përgjithshme e Tatimeve në Tiranë që ka dorëzuar një javë më parë një kallëzim pranë njësisë task forcë në adresë të Damir Fazlliçit, duke dyshuar atë se me anë të një shoqëri të themeluar në Shqipëri në vitin 2005, ku ai ka qenë ortak, mund t’i jetë shkaktuar shtetit shqiptar një dëm prej 2 milionë eurosh duke ndjekur një skemë mashtrimi me rimbursimet fiktive.
Kështu pra, emri i Damir Fazlliçit kthehet sërish në zhvillimet shqiptare, edhe pse ndaj tij është mbyllur kohë më parë një proces. Serbo-boshnjaku ka qenë mik i deklaruar i ish-kryeminsitrit Berisha dhe emri i tij ka qenë jo pak në qendër të debatit politik për vite me radhë. /tesheshi.com/
