Rikthehet Çun Lajçi, njeriu i “Plisit”, që me recitimin e tij plot pathos përgjatë viteve të egra të regjimit të Millosheviçit në Kosovë, ua çonte qimet përpjetë nga emocionet shqiptarëve anembanë.
Dhe pas kaq vitesh, Çun Lajçi i kthehet intepretimit poetik me nota atdhetare, me vargje kundër Demarkacionit, atij proçesi pra ndarjeje kufiri me Malin e Zi, për të cilin zëra opozitarë e konsiderojnë shitje territori të Kosovës.
Dhe kur po afron ora e ratifikimit të marrëveshjes së Demarkacionit, vjen dhe ky intepretim; për ta kundërshtuar në këtë formë gjysëmfolklorike marrëveshjen e firmosur muaj më parë në Bruksel. /tesheshi.com/
