Janë rritur sërish shifrat e infektimeve në 24 orë në Shqipëri. Nga 1 një ditë më parë, janë regjistruar 15 raste, ku sërish është Durrësi si vatër e re.
“Gjatë 24 orëve të fundit janë testuar 186 qytetarë si të dyshuar të prekur me Covid19 dhe janë konfirmuar pozitivë 15 raste.
Shpërndarja gjeografike e rasteve është si vijon: 13 raste në Durrës, 1 në Tiranë dhe 1 në Shkodër, kontakte të rasteve të mëparshme pozitive. Të shëruar janë 16 qytetarë.
Gjendja në spitalin infektiv paraqitet e qëndrueshme prej ditësh me 15 pacientë të shtruar dhe vetëm 3 prej tyre janë në terapi intensive”, u tha në deklaratën e përditshme të Ministrisë së Shëndetësisë.
Kujtojmë se luhatje të tjera janë bërë të zakonshme dy javët e fundit. Në dy muaj krizë epidemike, numri më i lartë i infektimeve në 24 orë ka qenë 34 e më i ulëti 1. /tesheshi.com/
