Aktiviteti më i rëndësishëm dhe më me prestigj i futbollit në Europë rinis pas një pushimi dymujor me ndeshjet e një të tetave.
Kalendari parashikon zhvillimin sot e nesër të katër ndeshjeve të para, me katër të tjerat që do të duhet të presin javën e ardhshme.
Kryendeshja e kësaj mbrëmjeje është Paris Sent-Zhërmen – Barcelona, që do të luhet në “Parc des Princes” të Parisit, e që do të gjykohet nga polaku Szymon Marciniak.
Në të njëjtën mbrëmje e në të njëjtën orë, në 20:45, Benfika do të presë Borusian e Dortmundit.
Akoma më e nxehtë do të jetë mbrëmja e së mërkurës, kur do të ketë dy takime ku vështirë të zgjedhësh kë të ndjekësh.
Në “Santiago Bernabeu”, Reali i Madridit do të luajë ndaj Napolit. Skuadra italiane vjen pas një serie të gjatë rezultatesh pozitive, në një formë fantastike gjatë muajve të fundit.
Bajerni i Mynihut – Arsenal është çifti i tjetër i së mërkurës; një takim që do të luhet në “Allianz Arena”. /tesheshi.com/
