“Nuk duhet të ketë panik për Ferrarin, titulli është ende i mundur dhe ne jemi shumë të shpejtë”. Sebastian Vetel ka folur “më në fund” për gjithçka ka ndodhur së fundmi në “shtëpinë” Ferrari.
Gjermani, që bëri një garë impresionuese në Malajzi, për të arritur vetëm i katërti, kur u nis nga vendi i fundit, mbetet optimist dhe beson se gara për të arritur kryesuesin Luis Hamilton, sapo ka rifilluar.
“Shanset për t´u ringritur dhe fituar titullin janë. Kemi një makinë të shpejtë dhe morëm frymë lirisht që nuk do të ketë penalitet për garën e ardhëshme, pasi kambio është në rregull dhe nuk do të ketë ndryshim. Ndërkohë kemi evidentuar cfarë ndodhi në Malajzi dhe problemi është zgjidhur”, u shpreh Vetel për mediat.
Gjermani është optimist se nëse makina do të arrijë pritshmëritë, 35 pikët që e ndajnë nga britaniku Hamilton, janë të mundshme për tu arritur e kaluar. Ndërkohë piloti i Ferrarit konfirmoi se është sqaruar gjithcka brenda skuadrës, e pritet me frymë pozitive, një prezantim i fuqishëm në garën e Suzukës. /tesheshi.com/
