Dy ditë para protestës së paralajmëruar të opozitës kosovare, ku gjithnjë fjalën kryesore e ka Vetëvendosje, është arrestuar zëdhënësi i kësaj force, Frashër Krasniq. Njoftimi u dha nga selia e VV-së:
“Frashëri është marrë nga policë civilë rreth orës 17:00 teksa po dilte nga televizioni 21 ku ishte i ftuar që të flasë mbi protestën e së mërkurës. Tash, kur kanë mbetur vetëm 40 orë deri në protestën e madhe të opozitës së bashkuar, përndjekja e aktivistëve si përpjekje për ta ndalur e dobësuar protestën e 17 shkurtit po vazhdon.Këto sulme e përndjekje që shtohet sa herë opozita përgatitet për kundërshtim nuk kanë efekt. Opozita nuk ndalet dhe protesta do të jetë madhështore”, thuhet në njoftim. /tesheshi.com/
