Anëtari i presidencës së Bosnjë-Hercegovinës, Bekir Izetbegoviç, ka paralajmëruar kryeministrin serb, Aleksandër Vuçiç se nuk duhet të kërcënojë boshnjakët, siç bëri pas vendimit të Gjykatës së Hagës për Radovan Karaxhiqin.
Kreu i qeverisë së Beogradit deklaroi se Sarajeva nuk duhet të guxojë të ngrejë më akuza kundër serbëve për krimet e luftës.
Bekir Izetbegoviç, i cli është i biri i ish-presidentit legjendar të myslimanëve të Bosnjës, i cili shpëtoi popullin e tij nga zhdukja përfundimtare, deklaroi se Vuçiç duhet të mbajë gojën edhe pse është në fushatë elektorale dhe do të fitojë pikë.
Siç bën të ditur B92, anëtari i presidencës së Bonjës (përbëhet nga 3 vetë: një serb, një kroat dhe një mysliman) deklaroi: “Në një fushatë zgjedhore me të vërtetë mund të lëshosh fjalë të forta, por fjala ‘dhunë’ nuk duhet të përdoret kur përmendet Bosnja, e cila ka qenë viktimë dhe subjekt i dhunës së tmerrshme të Serbisë. Ne, as në të kaluarën e as sot, nuk kemi toleruar që dikush të na kërcënojë dhe të na cënojë. Pas dhunës që kemi pësuar, kemi kërkuar drejtësi dhe do ta kërkojmë atë në të gjitha gjykatat ndërkombëtare, pasi nuk lahet kurrë në këtë tokë ajo çka i kanë bërë serbët civilëve të Bosnjës”, tha Izetbegoviç.
Kreu i myslimanëve të Bosnjës tha se vendi i tij do të vazhdojë të jetë partner për paqe në rajon duke përfshirë dhe autoritetet ligjore të Republikës së Serbisë.
“Por partnerët nuk duhet të bëjnë padrejtësi; ata nuk janë partnerë për të shkelur dinjitetin e tonë dhe të mbijetuarve të tragjedisë. Ne nuk duam asnjë konflikt, as me serbët, as me Serbinë. Ne duam të ndërtojmë marrëdhënie të ardhmen për të vërtetën, drejtësinë dhe respektin reciprok. Unë nuk do të tolerojë që vetëm disa ditë pas vendimit Radovan Karaxhiç i cili ka kryer krime të tmerrshme në Bosnjë, në veçanti kundër boshnjakëve, Beogradi të na kërcënojëse do të fajësohemi për të ashtuquajturën spirale të dhunës në qoftë se ne do të kërkojmë drejtësi në gjykatat ndërkombëtare”, tha Izetbegoviç.
Përgatiti: Ylli Pata – /tesheshi.com/
