Bisedimet me Athinën po marrin një trajektore dramatike dhe Tsipras ka anuluar vizitën në Korçë.
Pas vizitës së Edi Ramës në Stamboll gjërat duket se po komplikohen. Shefi i diplomacisë greke, Kotzias do të udhëtojë transit të enjten në Tiranë.
Kotzias do të takojë Bushatin në Rinas, çka përbën një shenjë të fortë diplomatike për situatën dramatike. Euronews bën me dije se Kotzias do të udhëtojë në Tiranë transit për në Vjenë.
Në kryeqytetin austriak ai ka një raund bisedimesh me homologun maqedonas. Euronews nuk ka dhënë detaje të tjera për qëllimin e kësaj vizite që është pjesë e negociatave dypalëshe për marrëveshjen detare.
Një javë më parë, presidenti Meta miratoi grupin negociator të Shqipërisë.
MEP nuk ka dhënë një informacion mbi takimin.
Ndërkaq, ambasadorja greke në Tiranë,paralajmëroi Tiranën se nuk i leverdiste të prishej me Athinën.
“Është koha e duhur për të ndërruar faqen, perceptimet false dhe paragjykimet pa bazë duhen varrosur. Ne jemi dy shtete, me identitet dhe kulturë historike të veçantë. Nga perspektiva jonë, në 1991 Greqia duke qenë i vetmi anëtar dhe në BE dhe në NATO u përball me sfida.
Për të mbështetur fqinjët në udhëtimin e tyre të vështirë të ndërtimit të institucioneve demokratike. Në lidhje me Shqipërinë në veçanti, Greqia ishte shteti i parë i cili ofroi mbështetje të madhe, si materiale ashtu dhe politike në vitet e vështira të tranzicionit. Ka qenë investitori më i madh i huaj, që hapi dyert për qindra mijëra shqiptarë.
Më e pakta që Greqia mund të priste nga partnerët e saj ishte një miqësi e sinqertë. Dhe respekt për angazhimet e përbashkëta”, tha Eleni Sourani. /tesheshi.com/
