Zhelet janë rikthyer si detaj i veçantë oral në parlamentin e Shqipërisë, po nga e njëjta autore e cila e futi në ligjërimin e trazuar politik: Jozefina Topalli. Dhe sërish në një përplasje orale me kolegun e saj të majtë, Taulant Balla. Duke replikuar me njëri-tjetrin, znj. Topalli ju drejtua z.Balla dhe i tha: “Para pak vitesh kur kam qenë në karrigen e zonjës i kam kërkuar rojeve të kapnin për zhelesh e ta nxirrni jashtë. Ju kërkoj ndjesë, sot është koha që shqiptarët kanë për tu qit për zhelesh e kanë për t’ju nxjerrë të gjithë jashtë”.
Zhelet datojnë vite më parë kur PD-ja ishte në pushtet e PS-ja në opozitë, ndërkohë që znj. Topalli ishte kryetare e Kuvendit me një plotfuqishmëri politike për t`u patur zili. Dhe në një prej seancave të acaruara, ajo u kërkoi rojeve që deputetin Balla ta kapnin për zhelesh (thënë kjo fjalëpërfjalë) e ta nxirrnin përjashta. Që ahere, fjala zhele është bërë sinonim i konfliktualitetit politik, me personazh kryesor deputeten shkodrane. /tesheshi.com/
