Për pak sa nuk kanë kërcitur grushtet mes nënkryetarit të Kuvendit të Kosovës, Xhavit Haliti dhe deputetit të LDK-së, Arben Gashi në seancën plenare kur po votohej për anëtarë të Gjykatës Kushtetuese. Deri te incidenti erdhi pasi Haliti ndërsa po shkonte për të votuar, e shtyri qëllimshëm Gashin i cili ishte duke pritur në radhë për të votuar.
Për të evituar një rrahje të mundshme mes tyre, reaguan deputetët Mërgim Lushtaku e Bekim Haxhiu të PDK-së, si dhe Avdullah Hoti e Armend Zemaj të LDK-së që reaguan shpejt.
Kur situta po qetësohej, papritmas në skenë është paraqitur deputeti i AAK-së, Gani Dreshaj i cili i vërsulet deputetit Gashi dhe i del në mbrotje Halitit. Por edhe një përleshje mes tyre e ndalën kolegët.
Ndaj këtij rasti reagoi kryekuvendari Kadri Veseli i cili iu drejtuar të gjithë deputetëve duke thënë se “për hir të sakrificës së qytetarëve të ndalen sjelljet që nuk i takojnë deputetëve të këtij Kuvendi. Duhet të mendojmë për dinjitetin e njëri-tjetrit më shumë sesa për tonin”.
Pasi ndali mikrofonin, Veseli i është drejtuar zëvendësit të tij, Halitit duke i thënë: “Nuk ka kuptim kështu”.
Kujtojmë se incidenti mes Halitit e Gashit ndodhi pasi ata në seancën e së enjtes u përplasen me fjalë të rënda në distancë. U shanë edhe me nënë. Krejt kjo ndodhi pasi Haliti që po kryesonte seancën nuk ia dha fjalën Gashit. /tesheshi.com/
