Janë rikthyer protestat para Ministrisë së Arsimit, jo si ato të studentëve në fund të 2018-ës, por gjithsesi ngacmuese, pasi bëhet fjalë për maturantë. Ta ndihen “të prerë në besë”, siç thonë, nga ministrja Besa Shahini dhe dikasteri i saj, pasi pyetjet e testeve janë ndryshuar, ndryshe nga sa u janë prezantuar.
“Është turp të dalim të gjithë me radhë këtu për të kërkuar cilësinë e arsimit. Zgjidhjen ta japë ministria. Vlerat tona janë hedhur poshtë dhe janë nëpërkëmbur. Në program nuk është thënë që pjesë të shkruarit do të bëhet teorike. Ishte idiotësi.
Modeli i testit u ndryshua, nuk kishte asnjë lloj lidhje. Ana gjuhësore ishte jashtë programit. Ne kemi punuar modele në çdo provim tremujori, por nuk kishte asnjë lidhje. I gjithë testi është një absurd.
Nuk mund të testohen vetëm me ese narrative. Ne presim, ndërsa ata tregohen të pasinqertë me ne“, tha një tjetër maturante.
“Teza jonë e testimit nuk është përmbajtur programit. Ne jemi nxënës që lexojmë e mësojmë gjithë ditën. Kjo është tallje. Kërkojmë transparencë nga ata që kanë bërë testimin. Tre vite shkollë nuk ma hedh poshtë një ministri e turpi”, tha një tjetër.
Janë dhjetra maturantë që janë tubuar para Ministrisë së Arsimit, një tjetër kokëçarje kjo për dikasterin e drejtuar nga ministrja kosovare Besa Shahini, e cilae morri këtë detyrë pas protestave të bujshme studentore. /tesheshi.com/
