Reshjet e dendura të shiut të cilat kanë rënë gjatë së shtunës, por edhe natës së shkuar, kanë sjellë probleme të shumta në disa qarqe të vendit.
Sipas raportimeve më të fundit, probleme janë shënuar në Vlorë, Gjirokastër, Fier e Delvinë, ku lumenjtë kanë dalë nga shtretërit duke përmbytur sipërfaqe të mëdha toke dhe disa banesa.
Për të monitoruar situatën e krijuar, në Vlorë, kryetari i bashkisë, Dritan Leli ishte i pranishëm në Urën e Mifolit në Novoselë ku i bëri thirrje të gjithë banorëve që të jenë në gatishmëri dhe të largohen nga zonat që preken nga rreziku i përmbytjeve.
Ministria e Mbrojtjes thotë se për evakuimin e familjeve janë angazhuar mbi 100 efektivë në Bunavi dhe të batalionit të Poshnjes në Berat si dhe 5 mjete të tonazhit të rëndë nga komanda Mbështetëse.
Ne total në qarqet Fier dhe Vlorë nga FA janë agazhuar 150 efektivë dhe 15 mjete për evakuimin e personave dhe te bagetive
Probleme janë shënuar dhe në Delvinë, ku është bllokuar rruga që lidh me fshatrat e Kalasë, Tatzat të njësisë Vergo, ku janë bllokuar rreth 150 familje. Edhe lumi Mat ka dalë nga shtrati duke shembur themelet e një ndërtese.
Për shkak të shirave me intensitet të lartë lumi Ishëm në Fushë-Krujë, ka dalë nga shtrati duke përmbytur 10 banesa.
Kushtet e vështira meteorologjike kanë shkatuar probleme në rrjetin elektrik të disa zona, kryesisht ato rurale. /tesheshi.com/
