Barcelona me Lionel Messin e pret në Camp Nou, skuadrën e Romës, në kryendeshjen e natës së martë. Blaugranasit kërkojnë të mbyllin çështjen e kualifikimit përballë romakëve, që nuk i’u lejohet një tjetër hap fals, pasi mund ta shohin vetën jashtë garës.
Në grupin E, në duelin tjetër, Bate Borisov pret gjermanët e Bayer Leverkusen. Vetëm një pikë është diferenca ndërmjet këtyre dy skuadrave, që e bën edhe më dramatik duelin i cili mund të përcaktojë fatin e dy skuadrave.
Arsenali, në grupin F, do jetë nikoqir i kampionëve kroat Dinamo Zagreb, mirëpo me mendje do jetë në Mynih, me ç’rast Bayern ndeshet me Olimpiakosin dhe, një pikë e grekëve nga ky takim do zhvlerësonte çdo rezultat pozitiv të topçinjëve në Emirates, pasi do e shihnin vetën jashtë Champions-it.
Porto kërkon kokën e Dinamo Kievit për të mbyllur si lider kampanjën në grupin G, njëherit t’i japë edhe shqelmin e fundit ukrainasve nga garat e Ligës së Kampioneve. Në duelin tjetër, Jose Mourinho me armatën e tij kërkon rikthimin e lavdisë në Tel Avaviv, me ç’rast do ballafaqohet me Maccabi-n, që është pa gjasa në fundin e tabelës.
Valencia do sfidojë të ftohtin në Rusi, pasi do ndeshet me Zenit St.Petersburg-un, që tashmë ka marrë vizën për të ecur tutje, si e para e grupit H. Në sfidën tjetër, Lyon e pret skuadrën belge Gent, për të luftuar të paktën për një vend që dërgon në garat e Europa Ligës. /tesheshi.com/
