Shtetet e Bashkuara rihapën ambasadën në Kubë pas më shumë se 54 vjetësh që ishte mbyllur, në një hap simbolik që sinjalizon ngrohjen e marrëdhënieve mes dy vendeve.
John Kerry, sekretari i parë i Shtetit që viziton Kubën në 70 vjetët e fundit mori pjesë në ceremoninë e mbajtur në Havana. Flamuri amerikan u ngrit nga të njëjtët marinas që e ulën atë me mbylljen e ambasadës në vitin 1961.
Kuba rihapi ambasadën e vet në Uashington muajin e kaluar. Por, mes dy vendeve mbeten ende problem, ndërsa Shtetet e Bashkuara ende nuk kanë hequr embargo ndaj Kubës.
Tre marinsat që e ulën flamurin më 4 janar 1961 e ringritën atë në Havana, ata janë në pension dhe rreth fundit të të 70-ve.
“Do më pëlqejë ta shoh atë flamur të ngrihet sërish”, tha njëri prej tyre, ish-marinsi Jim Tracy, 78-vjec, në një video të publikuar nga departamenti i Shtetit përpara ceremonisë. /tesheshi.com/
