Tre gazetarë të rrjetit al-Jazeera, të shpallur fajtorë për shpërndarje të lajmeve të rrema, janë dënuar me tre vjet burg në procesin e rigjykimit të tyre në Kajro.
Egjiptiano-kanadezi Mohamed Fahmy dhe shtetasi egjiptian Baher Mohamed u morën direkt nga salla e gjyqit pas vendimit, ndërsa ishin liruar me kusht më parë.
Australiani Peter Greste, gazetari i tretë, u deportua në Australi në fillim të vitit dhe gjyqi ndaj tij u zhvillua në mungesë. Të tre akuzohen se kanë ndihmuar grupin e nxjerrë jashtë ligjit Vëllazëria Muslimane, por ata e mohojnë me forcë një gjë të tillë.
Ata u dënuan për herë të parë në korrik 2014, Greste dhe Fahmy me nga shtatë vjet burg ndërsa Mohamed, 10 vjet burg. /tesheshi.com/
