I dërguari special i SHBA-ve për dialogun Kosovë-Serbi, ambasadori Richard Grenell, pritet ta vizitojë Kosovën.
Sipas një njoftimi të Presidencës së Kosovës, Grenell do të takohet me presidentin Hashim Thaçi.
Ky takim mbahet në kabinetin e tij, rreth orës 13:00.
Presidenti amerikan, Donald Trump, javën e kaluar e ka emëruar ambasadorin e SHBA-së në Gjermani, Richard Grenell, si të dërguar për bisedimet e paqes midis Kosovës dhe Serbisë.
Grenell, përveç detyrave për zgjidhjen e ngërçit Ballkanik, do të mbetet ambasador në Gjermani. Më herët z.Grenell ka thënë se do të jetësoj përpjekjet e Amerikës për të ndihmuar Kosovën dhe Serbinë në arritjen e një marrëveshjeje zyrtare paqeje që mund të rezultojë në njohjen reciproke mes dy vendeve. /tesheshi.com/
