Mbledhja tradicionale në Forumin Strategjik të Bledit (BSF) në Slloveni ka bërë bashkë përfaqësues nga vendet e Ballkanit perëndimor.
Pjesëmarrësit bënë me dije se tani është koha e duhur që vendet e rajonit t’i bashkoheshin BE-së, pasi progresi ishte mjaft real.
Ata shtuan se BE-ja nuk duhet ta harrojë rajonin teksa po merret me çështjet e brendshme. Debati fillimisht u zhvillua rreth përcaktimit të Mathew Palmer nga Departamenti Amerikan i Shtetit si emisar special për Ballkanin Perëndimor.
Ndërkohë, Palmer, i cili gjithashtu ishte i pranishëm në Forum, tha se SHBA kishte kryer përgjegjësinë krahas partnerëve dhe aleatëve, dhe e pranon se BE-ja nuk është mjaftueshëm e lidhur me Ballkanin Perëndimor.
Sipas tij, SHBA mbështet qëllimet për të ndihmuar Maqedoninë e Veriut dhe Shqipërinë për hapjen e negociatave të anëtarësimit, të përcjellë dialogun mes Serbisë dhe Kosovës, dhe të mbështesë reforma më rrënjësore në Bosnje dhe Herzegovinë, në të mirë të qytetarëve.
Duke folur në emër të Shqipërisë si ish-ministre, Majinda Bregu e Këshillit Rajonal për Bashkëpunim tha se “ndjehemi sikur jemi të zhytur në errësirë sa herë që përpiqemi të hedhim një hap përpara”.
Ajo beson se “BE nuk do të zgjerohet me Ballkanin Perëndimor, por do të përfundojë me Ballkanin Perëndimor”, dhe se “askush nuk ka luksin të humbasë kohë”, pasi njerëzit po largohen nga vendet e tyre.
Ministri i Jashtëm Serb, Ivica Daçiç u tall me panelin duke thënë se “nuk pret gjë” nga Palmer, por më pas tha se caktimi i tij tregon se SHBA tregon një prezencë më të qartë në Ballkan.
“Është e qartë se ai do të ketë shumë punë për të bërë gjatë mandatit të tij, i cili duhet të zgjasë derisa Beogradi dhe Prishtina të kryejnë punë”, tha Daçiç, duke shtuar se Serbia do të përpiqej të ishte “efikase dhe konstruktive” në bisedimet me Kosovën.
Sipas tij, Serbia mbështetë liberalizimin e vizave për Kosovën dhe hapjen e negociatave për Maqedoninë e Veriut dhe Shqipërinë. Ai pranoi se liderët në regjion duhet të paraqiten me “më shumë solidaritet” ndërmjet vete.
Kjo deklaratë u kap shpejt nga ministri i Jashtëm i Kosovës Behgjet Pacolli, i cili tha se pajtohet me homologun serb lidhur me përgjegjësinë për marrëdhënie konstruktive, por tha se kjo nuk bëhet duke e bllokuar njëri-tjetrin në procese vendimtare.
Ai gjithashtu nuk la pa u ankuar për faktin se Kosova mbetet vendi i vetëm pa mundësi të udhëtimit në zonat Schengen, gjë që qytetarëve të aj u kushton kohë, të holla dhe procedura degraduese.
Pacolli gjithashtu theksoi rëndësinë e paqes, duke thënë se “Serbisë dhe Kosovës i duhet paqe menjëherë”, duke shtuar se të dy vendeve i duhet dikush që u flet me zë të lartë, duke iu referuar Palmerit.
Nga perspektiva e një vendi që ka shënuar progres, ministri i jashtëm i Malit të Zi, Srxhan DarmanoviJ tha se “ne jemi dukshëm ngadhënjimtarët e këtij procesi”, e megjithtë regjioni do të kthehet në tregim suksesi kur të gjithë i vjelin të arriturat.
Ndërsa ai i Maqedonisë Veriore, Nikola Dimitrov, shprehu frustrim pse vendi i tij e humbi pothuajse një gjeneratë duke pritur si “ i ngrirë” statusin e vendit kandidat, përderisa vendi po bën progreset e kërkuara.
“Ne kemi arritur një kompromis që është shumë i rrallë në rajon”, tha ai, duke shtuar se tani ishte koha e duhur për të filluar bisedimet e pranimit.
“Nëse Evropa na dështon këtë vit, atëherë kam frikë se nuk ka më perspektivë evropiane”, shtoi Dimitrov.
Që rajoni po i afrohej një momenti kritik, u shpreh edhe ministri i Jashtëm i Bosnje-Hercegovinës Igor Crnadak, i cili tha se BE-ja duhej të “kuptonte që ky proces duhet të përfundojë pasi është kaq i natyrshëm dhe normal”. /tesheshi.com/
