Komisioni Evropian ka pezulluar dërgimin e 10 milion maskave kineze për shtetet anëtare dhe Mbretërinë e Bashkuar, pasi ankesws për cilësinë e dobët të tyre.
Si pjesë e luftës kundër COVID-19, këtë muaj pjesa ekzekutive e Bashkimit Evropian filloi shpërndarjen e maskave për punonjësit e shëndetit.
Pasi u dërguan 1.5 milion maska në 17 nga 27 vendet anëtare të Bashkimit dhe Mbretërisë së Bashkuar, ministri polak i shëndetësisë Lukasz Szumowski tha që 600,000 sosh të marra nga autoritetet polake ishin pa çertifikata evropiane dhe nuk përputheshin me standardet mjekësore. të kërkuara për shpërndarje.
“Ne kemi vendosur të pezullojmë dërgesat e ardhshme të këtyre maskave. Do të shohim se çfarë duhet të bëhet nëse ekzistojnë me të vërtetë probleme me këto maska,” tha Stefan De Keersmaecker, zëdhënësi i komisionit për shëndetësinë.
Siç deklaroi ai, një problem i ngjashëm u raportua dhe nga Hollanda.
Arka të bllokuara në Shanghai
Dorëzimi i tërë i maskave u porosit nga një shpërndarës kinez dhe u pagua nga një fond i BE. Distributimi kishte parashikuar një shpërndarje në baza javore për gjashtë javë.
Në fillim të këtij muaji, media konstatoi mijëra arka me maska që qëndrojnë të bllokuara në Aeroportin Ndërkombëtar Shanghai Pudong, qendra më e ngarkuar e mallrave në Kinë.
De Keersmaecker tha që Komisioni ndiqte me përpikëri të gjitha masat e kontrollit kur blente maska dhe konfirmoi që ato ishin të përdorshme.
“Nëse ka nevojë, ne jemi të gatshëm për çdo veprim juridik,” theksoi ai.
Sipas tij, Komisionerja për Shëndetin dhe Sigurinë e Ushqimit Stella Kyriakides paralajmëroi të gjitha vendet që kanë marrë tashmë maska për problemet e mundshme dhe u kërkoi atyre që të raportojnë cilësinë e tyre. /tesheshi.com/
