Miku dhe këshilltari i Donald Trump, Roger Stone, u dënua me tre vjet dhe katër muaj burg me akuzën e pengimit të drejtësisë, gënjeshtrës ndaj Kongresit dhe ndikimit të dëshmitarëve, duke përfshirë gënjeshtrat në një panel të Kongresit që hetonte ndërhyrjen ruse në zgjedhjet presidenciale në vitin 2016.
Kështu, Stone u bë personi i shtatë i akuzuar dhe i dënuar për krime të zbuluara gjatë një hetimi të udhëhequr nga Këshilltari Special Robert Mueller.
Çështja “Stone” ka qenë në qendër të tensioneve midis Departamentit të Drejtësisë dhe Presidentit Trump për ditë me radhë.
Prokurorët federalë në Nju Jork, ku u zhvillua gjyqi, sugjeruan dënimin me burg nga shtatë deri në nëntë vjet, pasuar nga një përgjigje nga Departamenti i Drejtësisë duke kërkuar një dënim më të vogël.
“Kjo provokoi reagime pozitive nga Presidenti Trump dhe mbështetësit e tij, por reagime negative nga pjesa tjetër e SHBA. Të katër prokurorët më pas dhanë dorëheqjen dhe e gjithë historia u shpërtheu midis Shtëpisë së Bardhë dhe Departamentit të Drejtësisë, ku ka shumë që janë të indinjuar nga ndërhyrja në gjyqësorin e pavarur.
Komentet e Trump kanë hedhur në erë marrëdhëniet e tij shumë miqësore me Ministrin e Drejtësisë William Barr”, komentoi një gazetar gjatë reportimit. /tesheshi.com/
