Kancelarja gjermane shpreson që të fitojë një mandat të katërt pas zgjedhjeve të përgjithshme të shtatorit, dhe rezultati i zgjedhjeve shtetërore në Saarland është parë si një prej dëshmive në ajo e ka të përligjur këtë ambicie.
Angela Merkel e ka kaluar me sukses këtë provim, me partinë e saj, CDU, që ka fituar lehtësisht në këto zgjedhje rajonale.
Kristiandemokratët e Merkel-it kanë siguruar 40 për qind të votave; ndryshe tyre, socialdemokratët e SPD-së janë ndalur në 30 për qind.
Një anketim i fundit tregonte një kryesim të vogël të CDU-së në këtë shtet me një milion banorë në jugperëndim të vendit, por partia e Merkel-it ia doli t’i rrisë votat për të, nga 35.2 për qind në zgjedhjet e 2012-s në 40.7 për qind.
Saarland-i qeveriset nga një koalicion i CDU-së me SPD-në; lideri i ri i socialdemokratëve, Martin Schulz, një pretendues për postin e kancelarit, e pranoi se nuk kishte qenë një mbrëmje e mirë e se CDU-ja kishte fituar qartazi.
Megjithatë, ai ka këmbëngulur se synimi është ndryshimi i qeverisë federale; me fjalët e tij, fushata gjer atëherë është një maratonë, jo një sprint.
Deri në zgjedhjet e përgjithshme të shtatorit në Gjermani, zgjedhje shtetërore do të mbahen në Schleswig-Holstein dhe në North Rhine-Westphalia. /tesheshi.com/
